सातारा, दि. ८ सातारा जिल्हयातील दिव्यांग व्यक्ती मागासवर्गीय व्यक्तीकरिता समाज कल्याण विभाग जिल्हा परिषद सातारा मार्फत राबविण्यात येणाऱ्या वैयक्तीक लाभाच्या योजनेस अर्ज कमी आल्याने २० ऑगस्ट पर्यंत मुदतवाढ देण्यात आली आहे.
जिल्हा परिषदेतील ५ टक्के दिव्यांग स्वनिधीमधील मधील पुढिल योजना राबविण्यात येतात. राज्य,जिल्हा, तालुका स्तरीय प्राविण्य मिळवणाऱ्या ग्रामिण भागातील दिव्यांग खेळाडुंना अर्थसहाय्य देणे, निर्वाह भत्ता देणे,विवाहास प्रोत्साहनपर भत्ता देणे, विज्ञान शाखेत शिक्षण घेणाऱ्या दिव्यांगाना लॅपटॉप शैक्षणीक साहित्य देणे. जिल्हा परिषदेच्या २० टक्के मागसवर्गीय स्वनिधी मधील योजना.मागासवर्गीय लाभार्थ्यांस झेरॉक्स मशीन, पाचवी ते बारावी मागासवर्गीय मुलामुलींना सायकल पुरवणे. वरील योजनांचा लाभ घेण्यासाठी अर्जदाराने httts://w.w.w.zpsatarasceme.com या संकेतस्थळावर अर्ज करावेत या योजनेसाठी आवश्यक कागदपत्रे अनुदानाचा बाबतचा तपशिल संकेतस्थळावर उपलब्ध आहे. या योजनेचे अर्ज करण्यास मुदतवाढ देण्यात आली आहे.
