सातारा : राजधानी सातारा येथील छत्रपती शाहू कला मंदिर येथे अखिल भारतीय मराठी साहित्य संमेलनाचे अध्यक्ष विश्वास पाटील यांचा जाहीर सत्कार करण्यात आला. संमेलनाचे स्वागताध्यक्ष व राज्याचे मंत्री छत्रपती शिवेंद्रसिंहराजे भोसले यांच्या हस्ते पाटील यांचा शाल, श्रीफळ व पुष्पगुच्छ देऊन गौरव करण्यात आला.
या कार्यक्रमाला अण्णा बनसोडे, डॉ. राजा दीक्षित, भगवान वैराट, किशोर बेडकिहाळ, तसेच संमेलनाचे कार्याध्यक्ष विनोद कुलकर्णी, नगरवाचनालयाचे अध्यक्ष अमित कुलकर्णी यांच्यासह मान्यवर मोठ्या संख्येने उपस्थित होते.
साहित्यविश्वातील योगदान व मराठी भाषा-संस्कृती संवर्धनासाठी होत असलेल्या कार्याचा गौरव या प्रसंगी करण्यात आला.
