फलटण तालुक्यात युरियाची टंचाई शेतकरी अडचणीत!
ऑनलाइन स्टॉक परंतु प्रत्यक्षात ठणठणाट!
फलटण: फलटण तालुक्यामध्ये सध्या शेतकऱ्यांना युरियाची टंचाई भासत आहे. शेतकऱ्यानी भुईमूग, कांदा, ऊस,मका पिके घेतली गेली आहेत.
सध्या उसाची भरणी करण्यासाठी शेतकऱ्यांना युरिया मिळत नाही. यामुळे उन्हाळी पिके धोक्यात आलेली आहेत. साखर कारखान्यांचा हंगाम संपला आहे. त्यामुळे उसाची खोडवी व उशिरा झालेल्या लागणी सध्या भरणीचे काम सुरू आहे.गेले वर्षभर शेतकऱ्यांना खताच्या टंचाईला तोंड द्यावे लागत आहे.
फलटण तालुका कृषी अधिकारी सोनाली सुतार( गुणवत्ता व नियंत्रण) यांच्याशी संपर्क साधला असता त्या म्हणाले की फलटण तालुक्यामध्ये मागील आठवड्यात आरसीएफ कडून 483 मॅट्रिक टन इतका युरिया फलटण तालुक्यात पुरवलेला आहे. व सध्या तालुक्यात 17,000 पोती इतका युरिया उपलब्ध आहे अशी माहिती त्यांच्याकडून देण्यात आली.
फलटण तालुक्यात 300 परवानाधारक दुकानदार आहेत.असे असले तरी शेतकरी ज्यावेळेस या दुकानदाराकडे जातो त्यावेळेस त्याला दुकानदाराकडून युरिया मिळत नसल्याचे चित्र तालुक्यात दिसत आहे.
यावेळी शेतकऱ्यांना कोणी दुकानदाराने युरिया नाही म्हटले तर त्याची तक्रार 7498921284 टोल फ्री क्रमांक वरती करावी व व्हाट्सअप साठी 9822446655 या क्रमांकावर संपर्क साधा असे कृषी विभागाकडून सांगण्यात आले आहे.
